வெள்ளரிக்காய் சூப்

வெள்ளரிக்காய் சூப்

தேவையான பொருட்கள்:

வெங்காயம் - 1
வெள்ளரிக்காய் - 1
சோள மாவு - 1 மேஜைக் கரண்டி
காய்கறி வேக வைத்த தண்ணீர் - 100 மில்லி
பாலேடு - 2 மேசைக் கரண்டி
மிளகுத்தூள் - சிறிதளவு
உப்பு - தேவையான அளவு
வெண்ணெய் - 1 ஸ்பூன்

செய்முறை:

• வெங்காயத்தை பொடியாக நறுக்கிக் கொள்ளவும்.

• வெள்ளரிக்காயை துருவிக் கொள்ளவும்,

• நறுக்கிய வெங்காயத்தை 2 நிமிடம் வரை வெண்ணெய்யில் வதக்க வேண்டும்.

• பின்னர் வெள்ளரிக்காயை அதில் போட்டு 2 நிமிடம் வரை வதக்க வேண்டும்.

• காய்கறி வேக வைத்த தண்ணீரை இதனுடன் சேர்த்து 10 நிமிடம் கொதிக்க விட வேண்டும்.

• பின்னர் அதில் சோள மாவு சேர்க்கவும்.

• சூப் பதத்திற்கு வந்தவுடன் அதில் உப்பு, மிளகுத்தூள், பாலேட்டை சேர்த்து சூடாகப் பரிமாறவும்.