வல்லாரைப் பொடி

என்னென்ன தேவை?

காம்பு நீக்கிய வல்லாரைக் கீரை - 1 கப்,
தனியா - 2 டீஸ்பூன்,
கடலைப் பருப்பு - 1 டீஸ்பூன்,
சிவப்பு மிளகாய் - 6,
பெருங்காயம் - 1 துண்டு,
உப்பு, எண்ணெய் - தேவையான அளவு,
புளி - சிறிய நெல்லிக்காய் அளவு.

எப்படிச் செய்வது?

வெறும் கடாயில் வல்லாரைக் கீரையை நன்கு மொறு மொறு என ஆகும் வரை வதக்கி எடுக்கவும். சிறிது எண்ணெயில் உப்பு, புளி தவிர பிற பொருட்களை நன்கு வதக்கி ஆறவிடவும். இரண்டையும் கலந்து, உப்பு, புளி சேர்த்து அரைத்து பொடித்து காற்றுப் புகாத கண்ணாடி பாட்டிலில் வைக்கவும். வேண்டும் போது சூடான சாதத்துடன் சிறிது பொடி, நெய் கலந்து சாப்பிடவும். வல்லாரைப் பொடி ஞாபக சக்தியை பெருக்கும்.