ப்ரோக்கலி பொரியல்

by birundha Wed Apr 16, 2014 10:51 am

ப்ரோக்கலி பொரியல்

தேவையானவை:

ப்ரோக்கலி நறுக்கியது - ஒரு கிண்ணம்
சின்னவெங்காயம் - 3
பச்சை மிளகாய் - 1
தேங்காய்ப் பூ - ஒரு டீஸ்பூன்
கொத்துமல்லி இலை - ஒரு கொத்து

தாளிக்க:

எண்ணெய்,
கடுகு,உளுந்து,
சீரகம்,
கடலைப்பருப்பு,
காய்ந்த மிளகாய் ஒன்று,
பெருங்காயம்,
கறிவேப்பிலை.

செய்முறை:

• ப்ரோக்கலியை சுத்தம்செய்து,நீரில் அலசிய பிறகு விருப்பமான அளவில் அரிந்து வைக்கவும்.

• வெங்காயம், பச்சை மிளகாயையும் அரிந்து வைக்கவும்.

• ஒரு வாணலில் எண்ணெய் விட்டு தாளிக்க வேண்டியதைத் தாளித்த பிறகு வெங்காயம்,பச்சை மிளகாய் சேர்த்து வதக்கவும்.

• இவை வதங்கியதும் ப்ரோக்கலியை சேர்த்து இரண்டு கிளறுகிளறி உப்பு,தேங்காய்ப் பூ,கொத்துமல்லி இலை தூவி இறக்கவும்.

• ப்ரோக்கலி சீக்கிரமே வெந்துவிடும்.மூடி போட்டு,தண்ணீர் தெளித்து மற்ற கீரைகள் மாதிரி வேகவைக்க வேண்டாம்.

• இது எளிமையான,சத்தான,சீக்கிரமே செய்யக்கூடிய அருமையான பொரியலாகும்.