ஓட்ஸ் - பார்லி அடை

ஓட்ஸ் - பார்லி அடை


அடைக்குத் தேவையானவை:

ஓட்ஸ் மாவு-ஒரு கையளவு
பார்லி மாவு-ஒரு கையளவு
கேழ்வரகு மாவு-ஒரு கையளவு
முருங்கைக்கீரை-மூன்று கைப்பிடி
சின்ன வெங்காயம்-3
பச்சை மிளகாய்-1
உப்பு-தேவைக்கு
எண்ணெய்-தேவைக்கேற்ப‌
சீரகம்,கறிவேப்பிலை,கொத்துமல்லி இலை

செய்முறை:

* கீரையைக் கழுவி சுத்தம் செய்து,தண்ணீரை வடியவைத்து எடுத்துக்கொள்ளவும்.

* வெங்காயம்,பச்சை மிளகாயைப் பொடியாக நறுக்கவும்.

* ஓட்சை வறுத்து பொடித்துக் கொள்ளவும்

* ஒரு அகலமான தட்டில் மாவுகளுடன் உப்பு,கீரை,வெங்காயம்,பச்சை மிளகாய் இவற்றையும் சேர்த்து கலக்கவும்.

* பிறகு சிறிதுசிறிதாகத் தண்ணீர் தெளித்து அடை தட்டும் பதத்தில் மாவைப் பிசைந்துகொண்டு,ஈரத்துணியால் ஒரு 1/2 மணி நேரம் மூடி வைக்கவும்.

* தோசைக்கல்லை அடுப்பில் ஏற்றி காயவிடவும்.மாவிலிருந்து ஒரு எலுமிச்சை அளவு பிரித்தெடுத்து,ஒரு தட்டைக் கவிழ்த்துப்போட்டு,அதன் மேல் ஈரத்துணியைப்போட்டு,அடையாகத் தட்டவும்.அடையின் எல்லா பகுதியும் சமமாக இருக்கட்டும்.

* கல் காய்ந்ததும் தட்டி வைத்துள்ள அடையை எடுத்துக் கல்லில் போட்டு, அடையைச் சுற்றிலும்,அடையின் மேலும் எண்ணெய் விட்டு மூடி வேக வைக்கவும்.

* தீ மிதமாக இருக்கட்டும்.தீ அதிகமானால் தீய்ந்துவிடும்.ஒரு பக்கம் வெந்ததும் திருப்பிவிட்டு மறுபக்கமும் வெந்ததும் எடுக்கவும்.