பார்லி - கேழ்வரகு கூழ்

பார்லி - கேழ்வரகு கூழ்


தேவையான பொருட்கள்:

பார்லி - 1 கப்
கேழ்வரகு மாவு - 1 கப்
உப்பு - தேவையான அளவு
வெங்காயம் - 1
தயிர் - 1 கப்

செய்முறை :

• வெங்காயத்தை பொடியாக நறுக்கிக் கொள்ளவும்.

• முதல் நாள் இரவு கேழ்வரகு மாவினை 2 கப் தண்ணீர், உப்பு சேர்த்து கரைத்து புளிக்க வைக்கவும்.

• மறுநாள் மதியம் பார்லி, 3 கப் தண்ணீர் சேர்த்து குக்கரில் போட்டு 7 விசில் வரை வரை வேக விடவும்.

• குக்கரின் பிரசர் அடங்கியதும் முதல் நாள் இரவு கரைத்து வைத்துள்ள கேழ்வரகு கலவையினை இதனுடன் சேர்த்து வேக வைக்க வேண்டும்.

• அடுப்பை மீதமான தீயில் வைத்து 15 நிமிடம் வேக வைக்கவும்.

• இப்போது கூழ் ரெடி. இதனை அப்படியே வைத்து விட்டு மறுநாள் காலை இந்த கூழை கரைத்து கொள்ளவும்.

• கூழ், வெங்காயம், தயிர், தேவையான அளவு தண்ணீர் சேர்த்து கூழினை கரைத்து கொள்ளவும்.

• சுவையான, சத்தான பார்லி- கேழ்வரகு கூழ் ரெடி.