முருங்கைக் கீரை நவதானிய அடை

முருங்கைக் கீரை நவதானிய அடை


தேவையானவை:

பச்சரிசி - கால் கிலோ
கடலைப்பருப்பு- 50 கிராம்
உளுத்தம்பருப்பு - 50 கிராம்
கொண்டைக்கடலை - 50 கிராம்
கறுப்பு சுண்டல் கடலை - 50 கிராம்
காராமணி - 50 கிராம்
பச்சைப்பயறு - 50 கிராம்
துவரம்பருப்பு - 50 கிராம்
பாசிப்பருப்பு - 50 கிராம்,
முருங்கைக்கீரை - 2 கட்டு
காய்ந்த மிளகாய் - 8
உப்பு - தேவையான அளவு.

செய்முறை:

• அரிசியுடன், காய்ந்த மிளகாய், பருப்பு, பயறு வகைகளைச் சேர்த்து 2 மணி நேரம் ஊறவைக்கவும்.

• இதை மிக்ஸியில் தோசை மாவு பதத்துக்கு அரைத்துக்கொள்ளவும்.

• மாவில் முருங்கைக்கீரை, உப்பு சேர்த்துக் கலக்கி தோசைக் கல்லில் அடையாக வார்த்து எடுக்கவும்.

• இந்த அடைக்குத் தொட்டுக்கொள்ளத் தக்காளி சட்னி அல்லது சின்ன வெங்காயச் சட்னி நன்றாக இருக்கும்.

• இந்த அடையில் முருங்கைக் கீரை சேர்ப்பதால் உடலுக்கு மிகவும் நல்லது.