வெஜிடபிள் வரகு கஞ்சி

வெஜிடபிள் வரகு கஞ்சி


தேவையானவை:

வரகு அரிசி - ஒரு கப்,
முட்டைகோஸ் - கால் கிலோ,
முள்ளங்கி -1
தக்காளி -1
பெரிய வெங்காயம் - 1
பச்சை மிளகாய் - 1
எலுமிச்சம்பழம் - 1
அரிசி மாவு - ஒரு டீஸ்பூன்
இஞ்சி - சிறிதளவு,
கொத்தமல்லி - அரை கட்டு,
புதினா - கால் கட்டு,
மிளகுத்தூள் - அரை டீஸ்பூன்,
பூண்டு பல் - சிறிதளவு,
எண்ணெய் - 4 டீஸ்பூன்,
உப்பு - தேவையான அளவு.

செய்முறை:

* தக்காளி, வெங்காயம், ப.மிளகாய், கொத்தமல்லி, பூண்டு, புதினாவை பொடியாக நறுக்கிக் கொள்ளவும்.

* முட்டைகோஸ், இஞ்சி, முள்ளங்கியை துருவிக் கொள்ளவும்

* ஒரு கப் வரகு அரிசியுடன் மூன்று கப் தண்ணீர், சிறிதளவு உப்பு சேர்த்து, குக்கரில் வேக வைத்து ஒரு விசில் வந்ததும் இறக்கவும்.

* வாணலியில் எண்ணெய் விட்டு, இஞ்சித் துருவல், நறுக்கிய பூண்டு, கீறிய பச்சை மிளகாய், அரிசி மாவு சேர்த்து நன்கு வறுக்கவும்.

* துருவிய முட்டைகோஸ், முள்ளங்கியை இதனுடன் சேர்த்து, ஒரு நிமிடம் கிளறி... ஒரு லிட்டர் தண்ணீர், தேவையான உப்பு சேர்க்கவும்.

* மிகவும் பொடியாக நறுக்கிய தக்காளி, வெங்காயம், கொத்தமல்லி இலை, புதினா இலை சேர்த்து, 5 நிமிடம் கொதிக்கவிடவும்.

* பிறகு, மிளகுத்தூள் சேர்த்து, எலுமிச்சம்பழம் சாறு பிழிந்து இறக்கவும்.

* வெந்த வரகு அரிசியுடன், இதனை சேர்த்து நன்கு கலக்கினால்... வெயிலுக்கு இதமான, மிகவும் ருசியான, சத்தான வெஜிடபிள் வரகு கஞ்சி தயார்.

* இதற்கு தொட்டுக் கொள்ள, கொள்ளுத் துவையல் சிறந்தது.