சத்து நிறைந்த கோதுமை வெஜிடபிள் கஞ்சி

சத்து நிறைந்த கோதுமை வெஜிடபிள் கஞ்சி


தேவையானவை:

கோதுமை மாவு - 2 டீஸ்பூன்,
பால் - ஒரு கப்,
கேரட் - ஒரு துண்டு,
பச்சைப் பட்டாணி - ஒரு டேபிள்ஸ்பூன்,
பிஞ்சு கோஸ் இலை - ஒன்று,
உப்பு - ஒரு சிட்டிகை
கொத்தமல்லி தழை - சிறிதளவு

செய்முறை:

• கேரட், கோஸை தோல், நரம்பு நீக்கவும்.

• கொத்தமல்லி தழையை பொடியாக நறுக்கிக் கொள்ளவும்.

• அரை கப் தண்ணீரில் சிட்டிகை உப்பு சேர்த்து, அதில் கேரட், பட்டாணி, கோஸ் சேர்த்து நன்றாக வேக வைத்தபின் இதை மிக்ஸியில் போட்டு அரைத்துக் கொள்ளவும்.

• கால் டம்ளர் வெதுவெதுப்பான பாலில் 2 டீஸ்பூன் கோதுமை மாவை கலக்கவும்.

• மீதமுள்ள பாலைக் கொதிக்கவிட்டு, அதில் கோதுமை மாவு கலவை, அரைத்த வெஜிடபிள் கலந்து 2 நிமிடம் மிதமான தீயில் வைத்து கொத்தமல்லி தழை தூவி இறக்கவும்.